Burtfararprófstónleikar Hrafnhildar Ólafsdóttur sópransöngkonu frá Söngskólanum í Reykjavík verða sunnudaginn 28. maí n.k. kl. 20.00 í Langholtskirkju. Hrafnhildur er nemandi Ólafar Kolbrúnar Harðardóttur, en með henni leikur Kolbrún Sæmudsdóttir á píanó.
Á efnisskránni eru ljóðasöngvar eftir Schubert, Grieg og Jórunni Viðar og verk eftir Purcell og Mozart, þar sem Hrafnhildur fær liðsstyrk; Jón Stefánsson leikur á orgel og Gróa Margrét Valdimarsdóttir á fiðlu. Á seinni hluta tónleikanna syngur Hrafnhildur óperuaríur, auk þess að slá á léttari strengi og fær til liðs við sig kærastann, Orra Hugin Ágústsson, leikara, sem flytur með henni söngva úr þekktum söngleikjum. Aðgangur er ókeypis og öllum heimill.