Hér að ofan er krækja á síðu þar sem eru veittar upplýsingar um næstu heimsráðstefnu sem haldin verður í Bribane í Ástralíu dagana 10. – 14. júlí 2013
Eins og þeir vita, sem hafa sótt þessar alheimsráðstefnur heim, gefst okkur kostur á því að hitta aðra starfsfélaga, stofna til tengsla, hlýða á fyrirlestra og hlýða og taka þátt í “Masterclass”
Ekki er ráð nema í tíma sé tekið og ekki úr vegi að byrja á því að leggja til hliðar því Brisbane er ekki alveg við bæjardyrnar.
Fjölbreytni í fyrirrúmi – Söngkennararáðstefna
1. september 2012, Tónlistarskólanum á Akranesi, Dalbraut 1
DAGSKRÁ
09.00 – 09.30 Mæting og spjall
09.30 – 10.00 Upphitun – bræðingur
10.15 – 12.00 Kynning á mismunandi kennsluaðferðum í söng
10.15 Fyrirlestur – söngkennsla ungra radda. Bjarney Ingibjörg Gunnlaugsdóttir (TÍ) .
10.35 Fyrirlestur – söngkennsla CVT. Björk Jónsdóttir (FÍH).
10.55 Fyrirlestur – söngkennsla Lichtenberger. Hlín Pétursdóttir (TR).
11.15 Pallborðsumræður – Ingveldur Ýr Jónsdóttir stjórnar umræðum um mismunandi kennsluaðferðir.
MATARHLÉ
13.00 – 14.00 Spuni í tónlistarkennslu
— Gunnar Ben
14.00 – 15.00 Af kynslóðabilunum og öðrum bilunum í samskiptum fólks, kennara og nemenda.
— Þórhildur Þórhallsdóttir frá Þekkingarmiðlun.
Eldgamla liðið, skyndikynslóðin, ofdekraða kynslóðin og ábyrgðarlausa kynslóðin.
„En sem betur fer þá er okkar kynslóð ekki með neina vitleysu og eins og einhver sagði þá eru vitleysingarnir allir á hinni vaktinni.“
15.00 – 16.00 Að vinna úr góðri sem slæmri reynslu á sviði
— Hafrún Kristjánsdóttir sálfræðingur.
KAFFIHLÉ
16.15 – 18.00 Fyrirlestur og masterclass
— Kristinn Sigmundsson segir frá kennsluaðferðum John Bullocks og leiðbeinir söngvurum.
19.00 Hátíðarkvöldverður á Galító
Snemmskráning fyrir 1. júní 5.000 kr.
Fullt verð 7.500 kr.
Hátíðarkvöldverður (tveggja rétta) á Galító, 4.000 kr. (ekki innifalinn í ráðstefnugjaldi).
Skráning: dagrunhj@gmail.com og ingveldur@gmail.com
Það er okkur mikil ánægja að tilkynna að Christoph Prégardien, tenór og Ulrich Eisenlohr, píanóleikari munu halda tónleika á Listahátíð í vor og mun FÍS í samstarfi við Listahátið standa fyrir masterclass með þeim í Kaldalóni í Hörpu, þriðjudaginn 29. maí frá kl 10.00 – 17.00. Námskeiðið miðast við starfandi söngvara og píanista, frekar en nemendur og er hér um einstakt tækifæri fyrir íslenska listamenn að ræða. Til námskeiðsins er boðið söngvara og píanista saman og fær hvert par um 45 mínútur og ætlunin er að taka á móti 7 pörum. Kostnaður á hvert par er kr. 20.000. Námskeiðið verður jafnframt opið áheyrendum, aðgangseyrir kr. 1500. Umsóknarfrestur til 21. maí.
Áhugasömum er bent á að tala við Ólöfu Kolbrúnu Harðardóttur, olofkolbrun@
eða Dagrúnu Hjartardóttur dagrunhj@gmail.
Sjá einnig www.listahatid.is
Stjórn Félags íslenskra söngkennara
Söngnámskeið í ítalskri sönghefð, Bel Canto, fyrir söngnemendur á lokastigum og söngvara sem þegar hafa sigið sín fyrstu skref verður haldið í Iðnó dagana 16. og 17. mars frá kl. 10-16. Námsskeiðið er opið almenningi laugardaginn 17. mars frá 13-16 þar sem hægt verður að fylgjast með Lauru Sarti kenna nokkrum af okkar efnilegustu söngvurum. Einnig verður hægt að taka þátt í námskeiðinu sem áhorfandi. Continue reading
Kristinn Sigmundsson heldur hádegisfyrirlestur við tónlistardeild LHÍ í Sölvhóli föstudaginn 2. mars kl. 12-12:45. Kristinn Sigmundsson óperusöngvari hefur haft söng að aðalstarfi í nær þrjátíu ár. Hann fjallar um feril sinn og áhrifavalda.
Auk þess mun hann ræða um starf söngvara og mikilvæg atriði í sambandi við undirbúning söngnemenda fyrir starfið.
Aðgangur er ókeypis og eru allir velkomnir.
Næstu hádegisfyrirlestarar deildarinnar:
16. mars Greta Salóme Stefánsdóttir
23. mars Magnús Jensson
30. mars Svanlaug Jóhannsdóttir
13. apríl Hafdís Bjarnadóttir
Efnisskráin samanstendur af íslenskum, þýskum og ítölskum sönglögum og ljóðum. Sérvalin með fegurð og skemmtanagildi í huga að sjálfsögðu.
Fram koma:
Egill Árni Pálsson – tenor
Kristinn Örn Kristinsson – píanóleikari
- Gestasöngvari: Henríetta Ósk Gunnarsdóttir – sópran
Aðgangur er ókeypis og allir velkomnir svo lengi sem húsrúm leyfir.
(Tekið verður á móti frjálsum framlögum á tónleikastað, óski fólk
eftir því að styrkja tónleikana)
Ingveldur Ýr Jónsdóttir og Garðar Thór Cortes ásamt gestum flytja söngleikjatónlist og dægurlög í bland við óperuaríur í útsetningum Þorvaldar Bjarna Þorvaldssonar.
Einstök sýning sem engin má láta fram hjá sér fara.
Vakin er athygli á hljóðfæra- og söngnámskeið, sem haldið verður í húsakynnum LHÍ við Sölvhólsgötu þann 18. og 19. febrúar, 2012.
Námskeiðið er liður í kynningarstarfsemi háskólans. Kennslan fer fram í hóptímum og er nemendum á framhaldsstigi boðin þátttaka, sér að kostnaðarlausu. Einnig munu nemendur LHÍ halda tónleika fyrir þátttakendur og Halldór Haraldsson píanóleikari mun halda fyrirlestur um Franz Liszt.
Fagstjórar og kennarar LHÍ munu sjá um kennsluna og er þeim nemendum, sem hug hafa á þátttöku, bent á að skrá sig með því að senda nafn, tölvupóst og þau verkefni sem þau vilja vinna á námskeiðinu til Sóleyjar, soleybjort@lhi.is fyrir 13. Febrúar, 2012.
Nánari upplýsingar: Continue reading
Vert er að benda á tónleikaröðina “Á ljúfum nótum í Háteigskirkju” sem verður hleypt af stokkunum nú í febrúar.
Tónleikar verða annan hvern föstudag, hefjast ávallt kl. 12.30 og
taka u.þ.b. hálftíma.
Fyrstu tónleikarnir verða þann 17. febrúar næstkomandi.
Flytjendur koma úr ýmsum áttum, bæði söngvarar og hljóðfæraleikarar en listrænn stjórnandi er Lilja Eggertsdóttir píanóleikari.
Miðaverð er 1.000 kr.
