Dagana 27. til 31. ágúst n.k. verður Elisabeth Meyer-Topsøe með söngnámskeið á vegum Söngskólans í Reykjavík. Daglega verða masterklassar kl. 10-13, en einkatímar kl. 15-18.
Verð:
Einkatímar (45 mín.) kr. 5.775,
Virk þátttaka (komið upp hvern dag, má deila plássi) í masterklass kr. 17.500,
Áheyrn kr. 5.000 alla dagana en kr. 1.500 fyrir hvern stakan dag.
Elísabeth Meyer-Topsøe er ein þekktasta óperusöngkona Danmerkur.
Hún hefur undanfarin ár sungið við öll stærstu óperuhús Evrópu. Er þess skemmst að minnast er hún söng eina Rínardætra í Niflungahring Wagners í marg-lofaðri uppfærslu dönsku óperunnar.
Elisabeth Meyer-Topsøe kemur nú hingað þriðja sinni til tónleika- og/eða námskeiðahalds – skólastarf SR sl. vetur hófst með námskeiði hennar, við góðar undirtektir allra sem þar komu við sögu.
Söngskólanemar hafa frían aðgang að áheyrn í “Masterklass”og afslátt af gjaldi fyrir einkatíma og virka þátttöku
Umsóknarfrestur er til 17. ágúst og best að skrá sig á songskolinn@songskolinn.is
Skrifstofa skólans er opin dagl. kl. 10.00 – 16.00 – og eru nánari upplýsingar veittar þar.