Ráðstefna FÍS að Hótel Örk

Það er okkur sönn ánægja að kynna þriðju ráðstefnu FÍS, Félags íslenskra söngkennara, sem haldin verður í glæsilegri aðstöðu á Hótel Örk í Hveragerði, laugardaginn 30. ágúst n.k.

Innan skamms koma hér nánari uplýsingar um erindin og atriði sem flutt verða á ráðstefnunni og flytjendur þeirra.

NÝTT: Með því að smella á undirstrikuðu nöfnin þá opnast gluggi með nánari upplýsingum um þau sem halda erindi á ráðstefnunni.

En dagskráin lítur svona út:

Frá Barokk til “Byte”

 Söngkennararáðstefna

30. ágúst 2014, Hótel Örk Hveragerði

Dagskrá

09.00 – 09.30                   Mæting  –  skráning

Morgunkaffi og ráðstefnuhressing

09.30 – 09.55                   Morgunboozt  með  Margréti Stefánsdóttur

10.00 – 10.50                  Pilates og söngur  –  Guðrún Svava Kristinsdóttir

Sýnikennsla og æfingar sem nýtast í söngkennslu

11.00 – 11. 15                 Melodic Intonation Therapy  –  Loftur Erlingsson

Talþjálfun með söng í kjölfar heilablóðfalls

11.15 – 11.50                 Raddheilsa   –  Hannes Hjartarson HNE  (háls- nef- og eyrnalæknir)

12.00 – 12.45                    MATARHLÉ   –  tveggja rétta hádegisverður að hætti hússins

13.00 – 13:30                   Metropolitan eða Melrakkaslétta?

Bjarni Thor Kristinsson og  Herdís Anna Jónasdóttir veita innsýn í framtíðarmöguleika ungra söngvara

13.30 – 14.10                          Tónlistarkennsla, net og forrit   –   Jón Hrólfur Sigurjónsson

Hvernig notum við nútímatækni í kennslu; tölvur, spjaldtölvur, snjallsíma, vefsíður, forrit, öpp? Tilvalið að mæta með eigin tölvur og snjalltæki

14.15 – 15.30                “Workshop” með meiru   –   lærum að fikta við hjálpartækin

Ráðstefnugestir vinna saman undir leiðsögn Jóns Hrólfs

15.30 – 15.55                   KAFFI og meðlæti að hætti hússins

16.00 – 17.30                   Að syngja á “Bachísku”   –   Árni Heimir Ingólfsson

Erindi með tóndæmum um flúrsöng með þátttöku ráðstefnugesta

 

18.30                         Hátíðarkvöldverður   –   á Hótel Örk

Ath! ekki innifalið í ráðstefnugjaldi

Ráðstefnugjald er kr. 15.000  með kaffi og hádegisverði inniföldum

Boðið er upp á snemmskráningu kr. 10.000 fyrir 15. júní.

Stefnumót við Brahms – Kærleikssöngvar

P1080083Föstudaginn 28. febrúar kl. 12.00 í Háteigskirkju

flytja Anna Jónsdóttir sópran, Þóra H. Passauer kontra alt og Brynhildur Ásgeirsdóttir píanóleikari dúetta og ljóð eftir J. Brahms. Tónleikarnir eru hluti af „ Á ljúfum nótum Háteigskirkju“ og er Lilja Eggertsdóttir listrænn stjórnandi þeirra.

Á dagskrá tónleikanna eru nokkur þekkt verka J. Brahms og má þar kannski nefna Von Ewiger Liebe, Botschaft, Die Mainacht og svo verða dúettar op. 66 einnig fluttir. Brahms samdi dúettana sumarið 1875 í Ziegelhausen í nágreinni Heidelberg og voru þeir frumfluttir í Vínarborg 29. janúar 1878. Dúettarnir eru 5 og eru ljóðin ekki eftir sömu höfunda.  Dúettarnir sem sönglögin eru í aðalatriðum um fegurð og duttlunga lífsins og ástarinnar.

Tónleikarnir standa yfir í um hálfa klukkustund og aðgangseyrir er 1000 kr.

 Frekari upplýsingar gefur Anna Jónsdóttir á annamega@simnet.is  eða í síma 8640426

 

Námskeið um rödd og raddveilur – Prófessor Kittie Verdolini

Spennandi námskeið um rödd og raddveilur í ágúst

Námsbraut í talmeinafræði við HÍ hefur fengið talmeinafræðing og sérfræðing í raddveilum frá Bandaríkjunum til að kenna hluta af námskeiðinu Rödd og raddveilur í haust. Kittie Verdolini (fullu nafni Katherine Verdolini Abbott) er prófessor við háskólann í Pittsburgh í Bandaríkjunum. Hún kenndi sama námskeið fyrir tveimur árum og þótti einstaklega góður og líflegur kennari með gríðarmikla þekkingu á raddveilum, m.a. söngvara. Í ár gefst söngvurum, söngnemum/leiklistarnemum og öðrum sem þurfa að reiða sig mikið á röddina í starfi og leik hið einstaka tækifæri að sitja námskeiðið með talmeinafræðinemunum. Efni námskeiðsins er ætlað talmeinafræðinemum en stór hluti þess nýtist öðrum þeim sem áhuga hafa á röddinni og raddveilum. Í námskeiðslýsingu í kennsluskrá stendur að farið verði í lífeðlisfræði raddar, orsakir raddveilna og sjúkdómafræði þeim tengdum. Fjallað verður um greiningu og meðferð á raddveilum og hljómvanda hjá börnum og fullorðnum. Nemendur kynnast ýmsum hugtökum og rannsóknum raddvísinda. Fjallað verður um fyrirbyggjandi aðgerðir til að draga úr hættu á raddveilum. Að lokum mun Kittie hitta fyrir skjólstæðinga með raddveilur í kennslutund með það fyrir augum að kenna nemendum að meta eðli raddveilna og fá tilsögn í hvernig hægt er að draga úr einkennum þeirra.

Námskeiðið í heild stendur í fimm daga dagana 26. – 30. ágúst, samtals í 36 kennslustundir (eða rúmar 28 klukkustundir). Þrjá daga verður kennt allan daginn (samtals 6 klukkustundir með klukkutíma matarhléi og stöku kaffihléi) og tvo daga verður kennt hálfan daginn.

Þátttökugjaldi er haldið í algjöru lágmarki. Þeir sem sitja allt námskeiðið greiða kr. 20.000 en námsfólk greiðir kr. 15.000. Þeir sem vilja sitja hálft námskeiðið og velja einstaka daga í samræmi við námskeiðslýsingu greiða kr. 15.000, námsmenn kr. 10.000.

Nánari námskeiðslýing er væntanleg.

——————————————————————————————-

Í hnotskurn:

Námskeið: Rödd og raddveilur
Fyrirlesari: Kittie Verdolini Abbot prófessor í talmeinafræði
Tími: 26. – 30. ágúst 2013
Staður: Tilkynnt síðar

Áhugasamir vinsamlega hafið samband við Dagrúnu Hjartardóttur (dagrunhj@gmail.com) eða Þóru Másdóttur (thoramas@hti.is eða tm@hi.is). Sætafjöldi ræður hvar námskeiðið fer fram en búast má við að fjölda þátttakanda verði að takmarka að einhverju leyti.